رغم إن مر على دخول أول فتاة الجامعة أكتر من 60 سنة، لكن ساعات بحس إن المجتمع لسة مش متقبل أو عارف يتعامل مع الموضوع دة كما يجب، ممكن البنت تتعلم أه، لكن في نفس الوقت ناس كتير بيرفضو إنها تستثمر التعليم دة في إنها تشتغل، رغم إن هي دي النتيجة الطبيعية جدا لأي حد بيتعلم، ولسة لغاية النهاردة في مجالات كتيرة لسة المجتمع بيتقبل فيها السيدة على مضض، رغم إنها خلاص اتعلمت وبقت كمان في أحيان كتيرة متفوقة دراسيا عن الرجل.
ومن ناحية تانية أصبح تعليم البنت نقمة وليس نعمة، مجرد إنها اتخرجت من كلية أصبحت الإختيارات بالنسبة ليها أصعب شوية، في كتير مش بيرضو يتجوزو شباب بمؤهل أقل، ولو نزلت مجال العمل الموضوع بقة اصعب وأصعب، في ظروف كتيرة بيكون فيها البنت بتاخد مرتب أكبر من مرتب العريس، وكمان مع الشغل والإحتكاك أكتر بالناس بيديها خبرة أكتر بنوعية البشر وبالتالي دة كمان بيأثر على اختيارتها في شريك الحياة، وصعب جدا إن البنت تتحمل نظرة المجتمع لفتاة قربت على التلاتين من غير عريس، دة في الوقت اللى المجتمع فيه بيقدر السيدة الأمية المتزوجة ست البيت عن الآنسة اللى معاها دكتوراه.
يمكن كتير يستغربو كلامي، لكن صدقوني دة جزء من تفكير المجتمع بتاعنا
المشاركات
رواية "لأنها تستحق" في سلطمة عُمان
قبل 4 أعوام
احييك وأتفق مع كل حرف كتبته,و أجمل ما فيه ان اللى كاتبه رجل ...هاهاهاها
ردحذفدمت بود
على فكرة الرجالة بينهم وبين نفسهم عارفين الكلام دة، بس هما طالعين فيها شوية :))
ردحذفوكمان للأسف كتير من الرجالة بيبصوا للمرأة على إنها الجنس الآخر وخلاص، دائما مش عايزين يحطوها في مستوى الند، ودائما بيغلب عليه العند والعرق الشرقي.
في حين إنه لو نظر نظرة حيادية، هيلاقي المرأة دي هي أمه أو أخته أو زوجته أو بنته، وبالتالي عاجلا أو آجلا مسيره يتقرص أو يتضرر من النظرة المتعصبة إللي بتحرم المرأة من أبسط حقوقها.
شكرا لإهتمامك بالرد والمشاركة :))